Wi-Fi

მაიამი-ბიჩის ჩრდილოეთ ნაწილში, ფლორიდას შტატში, 19 იანვარს სასტუმრო St Regis Bal Harbour Resort-ი გაიხსნება, რომელიც მომავალ წელს აშშ-ში ყველაზე ძვირადღირებული სასტუმრო პროექტი იქნება. ოტელის მშენებლობაში მილიარდი დოლარი ჩაიდება.

ბრენდ St Regis-ის წარმომადგენლები პირობას დებენ, რომ სასტუმრო თავის სტუმრებს ფუფუნების ახალ დონეს შესთავაზებენ. ოტელში 214 ნომერია, რომელთა ფანჯრებიც ოკეანეს გადაჰყურებს. გარდა ამისა, სამ, 27-სართულიან მინის შენობაში 307 რეზიდენციაა. სასტუმრო ბოლ-ჰარბორის კურორტის ქვიშის პლაჟთან მდებარეობს.

ოტელში დაინერგება სისტემა, რომელიც ლიფტში მყოფი მგზავრისთვის საჭირო სართულს ელექტრონული გასაღებით განსაზღვრავს. St Regis Bal Harbour Resort-ის მთელი ტერიტორია დაფარული იქნება Wi-Fi-თ.

ოტელის სტუმრების განკარგულებაში იქნება მოსამსახურე, სპა-ცენტრი Remède Spa, სატრენაჟორო დარბაზი და საბავშვო კლუბი.

სასტუმროს ღვინის ბარში სამხრეთ ფლორიდის მასშტაბით ღვინის ერთ-ერთი ყველაზე დიდი კოლექციაა თავმოყრილი. ახალ ოტელში ცხოვრების ღირებულება ერთ ღამეში 650 დოლარი იქნება.

ინგლისურმა ჟურნალმა Daily Mail–იმ მოსახლეობის გამოკითხვა ჩაატარა, რომელიც სასტუმროებში უფასო მომსახურებას ეხება. გამოკითხვის მონაწილეებს სთხოვეს, გამოეთქვათ მოსაზრება 415 სერვისის შესახებ, რომელთა მიღებაც ოტელებშია შესაძლებელი.

შედეგად, რეიტინგის მესამე ადგილი დაიკავა პარკინგმა, მეორე – დილის საუზმემ, სიის ლიდერი კი ინტერნეტზე წვდომა გახდა: გამოკითხულთა 31%–სთვის ყველაზე მნიშვნელოვანი სერვისი Wi-Fi–ა.

კერძოდ, სასტუმროების კლიენტებს სურთ საინფორმაციო საიტებით სარგებლობა, ელექტრონული ფოსტის შემოწმება და Facebook–ზე შესვლა.

რეიტინგის ასეთი განლაგება მოულოდნელი არ ყოფილა: ბოლო პერიოდში იშვიათია ტურისტი, რომელიც მოგზაურობაში სმარტფონის ან ნოუთბუქის გარეშე მიდის.

გარდა ინტერნეტისა, ტურისტებმა მოსახერხებელი მატრასები და ფიტნეს–კლუბით უფასო სარგებლობაც მოითხოვს.

სმარტფონების მფლობელთა ერთ-ერთი მთავარი საზრუნავი უცხოეთში მოგზაურობისას Wi-Fi -ს საშუალებით ინტერნეტში შესვლაა, რათა როუმინგის მაღალი ტარიფები თავიდან აიცილონ. არის ქვეყნები, სადაც უსადენო ინტერნეტი ტყეებშიც კი მუშაობს. თუმცა ზოგიერთ ქალაქში ჰოთ-სტოპები სრულიად მოულოდნელ ადგილებშია დამონტაჟებული.

ახლახანს ბლოგ Fon-ზე იმ 5 ყველაზე უცნაური ადგილის რეიტინგი გამოქვეყნდა, საიდანაც უსადენო ინტერნეტით სარგებლობაა შესაძლებელი.

სიის ლიდერია სასაფლაო Oak Grove ქალაქ Paducah-ში, ამერიკის კენტუკის შტატში. ჰოთ-სტოპის მომწყობი კომპანიის განცხადებით, ეს ადგილი იმის გამო აირჩიეს, რომ სასაფლაოზე მსოფლიო დონის მეცნიერ-მედიკოსები არიან დაკრძალულნი და ინტერნეტი მათ შესახებ ინფორმაციის მოძიების საშუალებას იძლევა.

რეიტინგის მეორე პოზიციაზე განთავსდა ევერესტი. დედამიწის უმაღლეს წერტილში ინტერნეტის „აყვანა“ შვედურმა სატელეფონო კომპანიამ გადაწყვიტა. მთაზე ინტერნეტით სარგებლობა მოგზაურებს 5200 მეტრის სიმაღლეზე შეუძლიათ.

სიის მესამე ადგილზეა ჩრდილოეთ პოლუსი, სადაც უსადენო ინტერნეტით სარგებლობა 2005 წლიდანაა შესაძლებელი: მოდრეიფე სადგურ ბარნეოზე ქსელი Intel-ის მოსკოვის ოფისის ორმა თანამშრომელმა „ჩაიტანა“.

დღეისათვის უსადენო ინტერნეტი ხელმისაწვდომია უდაბნოშიც. ამისთვის შექმნილია სპეციალური, მზის ბატარეებზე მომუშავე მიმღებები. ინტერნეტი ასევე აღწევს კოსმოსურ ხომალდებში – მათი შემქმნელები კოსმოსური ტურიზმის განვითარებისთვის ნიადაგს ამზადებენ.

ინტერნეტით სარგებლობის ღირებულება შევა ბილეთის ფასში, რომელიც 200 ათას დოლარს მიაღწევს.