girebuleba

მაიამი-ბიჩის ჩრდილოეთ ნაწილში, ფლორიდას შტატში, 19 იანვარს სასტუმრო St Regis Bal Harbour Resort-ი გაიხსნება, რომელიც მომავალ წელს აშშ-ში ყველაზე ძვირადღირებული სასტუმრო პროექტი იქნება. ოტელის მშენებლობაში მილიარდი დოლარი ჩაიდება.

ბრენდ St Regis-ის წარმომადგენლები პირობას დებენ, რომ სასტუმრო თავის სტუმრებს ფუფუნების ახალ დონეს შესთავაზებენ. ოტელში 214 ნომერია, რომელთა ფანჯრებიც ოკეანეს გადაჰყურებს. გარდა ამისა, სამ, 27-სართულიან მინის შენობაში 307 რეზიდენციაა. სასტუმრო ბოლ-ჰარბორის კურორტის ქვიშის პლაჟთან მდებარეობს.

ოტელში დაინერგება სისტემა, რომელიც ლიფტში მყოფი მგზავრისთვის საჭირო სართულს ელექტრონული გასაღებით განსაზღვრავს. St Regis Bal Harbour Resort-ის მთელი ტერიტორია დაფარული იქნება Wi-Fi-თ.

ოტელის სტუმრების განკარგულებაში იქნება მოსამსახურე, სპა-ცენტრი Remède Spa, სატრენაჟორო დარბაზი და საბავშვო კლუბი.

სასტუმროს ღვინის ბარში სამხრეთ ფლორიდის მასშტაბით ღვინის ერთ-ერთი ყველაზე დიდი კოლექციაა თავმოყრილი. ახალ ოტელში ცხოვრების ღირებულება ერთ ღამეში 650 დოლარი იქნება.

შვედეთის „ყინულის სასტუმრომ“ ახალი აპარტამენტები შექმნა სახელწოდებით „ალმასის გენეზისი,“ რომელშიც დიზაინერებმა უზარმაზარი, მანათობელი ალმასები დადგეს. გარდა ამისა, ჭერზე უცნაური გეომეტრიული ნახაზებია გამოსახული. ალმასები რომ არ დადნეს, აპარტამენტებში მინუს 5 გრადუსის ტემპერატურაა.

Ice Hotel–ის კიდევ ერთი უცნაური ოთახია „არქტიკული ნომერი,“ სადაც სტუმრებს თოვლით გაკეთებული პოლარული დათვები ხვდებიან. არტ–აპარტამენტში ცხოვრების ღირებულება დღე–ღამეში 112 დოლარს შეადგენს. სტუმრები რომ არ გაიყინონ, მათ სათადაგირო თბილ ოთახს, ზამთრის ტანსაცმელსა და დილის საუნას სთავაზობენ.

ყინულის სასტუმრო ბოლო 20 წელია, ყოველწლიურად იქმნება. მასში 60 ნომერია, რომელთა ნაწილსაც ცნობილი დიზაინერები და არქიტექტორები აპროექტებენ.